Prej ditës së sotme, në Itali ka nisur zbatimi i masave të reja anti-Covid të cilat kanë ndarë vendin në tre zona të kuqe.
Autoritetet e Guardia Di Finanza, kanë përgatitur një sërë masash administrative, mosrespektimi i të cilave përcakton 22 tipe gjobash për qytetarët e sipërmarrësit italianë.
Gjobat variojnë nga minimumi 280 euro deri në 18 muaj burg.
Kushdo që lëviz jashtë orarit dhe kufijve të përcaktuar pa një motiv të vlefshëm e të vërtetueshëm, rrezikon një gjobë prej 280 euro e në rast përsëritjeje në 560 euro.
Nga 280 deri në 1000 euro është gjoba për këdo që nuk mban maskë mbrojtëse në ambiente të hapura e të mbyllura, me përjashtim të banesës private.
Ndërsa për këdo që shkel masën e karantinimit të detyruar, rrezikon një denoncim penal me arrest nga 3 muaj në 18 muaj burg, e që i shtohet një gjobë nga 500 euro në 5000 euro.
Gjoba nga 280 euro e deri në 560 euro në rast përsëritje, janë parashikuar dhe për persona që shkelin masën e ndalimit të grumbullimit në vende publike, festave private, mos mbajtjes së maskave e mos respektimin e distancimit social.
