Prej disa ditësh, ekspertë të Organizatës Botërore të Shëndetësisë, (OBSH), ndodhen në qytetin kinez të Wuhanit, për të studiuar origjinën e Covid-19.
Një prej anëtarëve të organizatës, Peter Daszak ka deklaruar se për të zbuluar origjinën, duhet gjendur elementë gjenetikë të virusit nëpër shpellat e lakuriqëve të natës.
Daszak, zoolog dhe ekspert i sëmundjeve të kafshëve, tha se ekipi i OBSH-së që ka shkuar në Wuhan ka marrë informacion të ri se si virusi, i identifikuar për herë të parë në këtë qytet në fund të vitit 2019, u përhap në të gjithë botën.
Ai nuk dha hollësira, por tha se nuk kishte asnjë provë që sugjeronte se virusi doli nga një laborator, shkruan agjencia e lajmeve, Reuters.
Origjina e koronavirusit është politizuar shumë pas akuzave, veçanërisht nga Shtetet e Bashkuara, se Kina nuk ishte transparente në trajtimin e tij të hershëm të shpërthimit, por Pekini ka deklaruar se kjo nuk është e vërtetë.
Daszak u përfshi në kërkime për origjinën e Sindromës së Rëndë të Mprehtë të Riparimit (SARS) në vitet 2002-2003, duke gjetur rrënjët e saj te lakuriqët e natës që jetonin në një shpellë në provincën jugperëndimore të Yunnanit.
“Kërkime të ngjashme duhet të bëhen nëse do ta gjejmë origjinën e vërtetë të botës së egër të COVID-19”, tha ai.
Është e paqartë nëse Kina aktualisht po merr në studim shpella të lakuriqëve të natës, por viruse të ngjashme me SARS-CoV-2 ishin gjetur më parë në provincën jugperëndimore të Yunnanit.
