Balla e Basha janë dy protagonistë të politikës shqiptare, të cilët nuk ia lënë mangut njëri-tjetrit me akuzat. Kuvendi çdo të enjte kthehet në një shesh lufte, aty ku nisi edhe sulmi ndaj kreut të grupit parlamentar të PS-së, Taulant Balla.
Futja e 3.4 mln eurove në makinat Toyota ka nxehur Ballën, ku në një deklaratë për mediat ka “përveshur mëngët” ndaj Bashës, duke i kujtuar se do të përballet me drejtësinë.
Deputeti socialist tha se është i pastër në këtë drejtim, e ndërsa kundërshtari i tij ende nuk ka larë hesapet me Babalen. “Pse nuk flet më PD-ja për Babalen? Sepse është një skenim”, tha më tej ai. Por ai surprizoi më tej, duke kujtuar se Basha nuk ka për t’ia hedhur paq.
“Të më bëhet gjyqi në sheshin Skënderbej nëse më del ndonjë e vërtetë”, u shpreh Balla, ndërsa kërkoi nga Prokuroria që ta thërrasë për të dhënat që ka.
“Që Balla nuk ka asnjë lidhje me ndonjërin prej tyre, ju garantoj me përgjegjësi penale, jo me mandatin e deputetit, jam gati të më bëhet gjyqi në sheshin “Skenderbej”, por një gjë sapo kam dëgjuar akuzën e djeshme të Bashës, kam bërë verifikime dhe i them Bashës që në fund të historisë i ka ca lidhje me personat e përfshirë në çështje, do i ruaj për të enjten në seancë, por i kam gjetur ca lidhje të tij me këtë grup”.
Balla nuk e ka lënë me kaq, pasi i ka kujtuar kreut demokrat se së shpejti ai nuk do di nga t’ia mbaj, nga faktet që do nxjerrë.
“Pres sot të nxjerrë lidhjet e mia me këta, unë të enjten do i ruaj ca surpriza. E kam marrë me shaka, qesha, edhe dje, me këtë budalla politikan që papërgjegjshmërinë e merr për avantazh. Pas konsultimit me kolegë juristë dhe të grupit, këtë shejtan budalla mos ta lë me kaq, por t’ja kthej në një mësim ekzemplar këtij shejtan budallai për ti thënë që në politikë kemi bërë akuza, por kurrë një gjë të tillë pa lidhje e provë na del ky thotë që shërbime partnere ia thokan këtij, nuk ka një shërbim të tillë, por ende ka ndonjë militant që transferon SMS, informacioni konfidencial dhe vë në rrezik aksionin, do formulohet me detaje, akuza, kallëzimi penal, brenda kësaj jave do depozitohet. Por apeli im sot ndaj prokurorisë së vendit, të mos vonojë, të thërrasë këdo, Bashën që pretendon se ka informacion, mua e çdo deputet, se para ligjit jemi të barabartë”, tha më tej Balla.
Për Babalen përpiqet të bëjë humor Edi Rama, Taulant Balla. Me Babalen duan të zhvlerësojnë edhe aksionin opozitar kundër ministrit të Brendshëm. Qeveria ka një problem të qartë në raport me krimin e organizuar dhe korrupsionin dhe për këtë nuk e ndihmon dot Babalja. Balla tashmë po e kthen në favorin e tij…
TIRANA TODAY
