Falë një operacioni ndërkombëtar anti-drogë, është vënë në pranga shtetasi Eldi Dizdari. Ai është arrestuar për llogari të Interpol Tiranës, i përfshirë edhe në vrasjen në ish-Bllok në 4 tetor 2018. Dizdari rezulton i përfshirë në disa ngjarje kriminale në Shqipëri.
I prangosuri është bashkëshorti i ish-Miss Shqipëria, Suada Sherifi, por ajo ka preferuar që ta mbajë të fshehtë lidhjen me të, duke shmangur daljet në media.
Edhe fotot e Suadës me bashkëshortin numërohen me gishtat e dorës, ndërsa ata kanë edhe një vajzë së bashku.
Eldi Dizadri është shpallur në kërkim që prej tetorit 2018, pas ngjarjes së ndodhur në ish-Bllok, ku u plagosën disa persona dhe mbeti i vdekur Fabiol Gaxha. Gjithashtu, Eldi Dizdari dyshohet se është personi që ka porositur 613 kg kokainë, e kapur në konteinerët me banane të kompanisë Arbri Garden, në Portin e Durrësit.
