Replikat mes Olti Currit dhe moderatores Fjoralba Ponari duket se po bëhen më të shpeshta. Ata kanë thumbuar njëri-tjetrin përmes postimeve në Instagram.
Pas mesazhit të fundit nga ana e Fjoralbës, e cila i deklaroi të mbyllura replikat me Olti Currin, ky i fundit nuk e ka lënë me kaq, madje e ka shtuar dozën e ironisë. Ai i sugjeron të ndërrojë zanat.
Më poshtë reagimi i plotë i Oltit:
“Kjo akoma nuk e kupton çfarë pune bën! Apo bën sikur nuk e kupton? Dmth 100 spektaklet që merren me personazhet e ekranit duhet të mbyllen.
Domethënë Ermal Mamaqi paska bulluar Erion Braçen dhe Flor Binaj ka bulluar Rudina Magjistarin, unë e di që kanë bërë humor. (Qesh). Kjo as nuk ngjan me Kim Jong që do vetëm lavdërime. Nuk i trembem termit bullizëm, i trembem pseudo viktimave që bëhen të neveritshëm, për t’ju dhimbsur publikut vetëm që t’i japë të drejtë.
Por dinjiteti është dhuratë e rallë, më shpejt ke mundësinë të fitosh llotarinë Amerikane. Vajza duhet të ndërrojë zanat (edhe pse prezantimin nuk e bëri kurrë zanatin e saj), meqë pretendon që njerëzit vetëm ta admirojnë.
Ka profesione plot që mund të jetë vetëm në zyrë, vendos edhe një pasqyrë dhe adhuron veten në heshtje, apo me zë të lartë”.
