Prej ditësh ishte në qarkullim lajmi se Atletico Madrid siç nuk kishte ndodhur deri sot do të bënte një shpenzim marramendës në merkato, duke mposhtur Juventusin dhe sheikët e Manchester Cityt.
Por të mërkurën në mënyrë spektakolare, Atletico ka bërë ofertën zyrtare për Joao Felix nga Benfica, një shifër të “çmendur”, plot 126 milionë euro. Pas largimit të Griezmann dhe disa lojtarëve me peshë, Atletico kërkonte një goditje të madhe dhe e ka kryer, sepse bëhet fjalë për një supertalent.
Official and confirmed: Joao Felix is new Atlético Madrid player, here we go! €126M to Benfica, deal done 🔴⚪️ #JoaoFelix #transfers #Atléti #AtleticoMadrid
— Fabrizio Romano (@FabrizioRomano) June 26, 2019
Joao Felix është vetëm 19 vjeç, por në sezonin e fundit ka bërë gjëra të pabesueshme, duke u bërë krejt papritur një ndër lojtarët më të kërkuar në botë.
126 milionë euro është një rekord për Portugalinë dhe një ndër 10 blerjet më të shtrenjta në historinë e futbollit, tani Felix duhet të tregojë me vepra se është vërtet një yll dhe jo një rastësi.
Për zyrtarizimin e transferimit ka vetëm një pengesë: Atletico nuk i paguan 126 milionë euro në dorë, por me këste, ndaj nuk ka paguar dot klauzolën prej 126 milionë eurosh që shërben për prishjen e kontratës pa qenë nevojë për aprovimin e Benficas. Tani klubi portugez duhet të vendosë, por zor se do të refuzojë…
