Lucas Moura ka komentuar në lidhje me të ardhmen e sulmuesit Harry Kane, duke u shprehur se çdo vit vijnë oferta për të, por Mourinho dëshiron ta mbajë.
Në një lidhje direkte në Instagram me Jamie Redknapp, braziliani tregoi dëshirën e madhe për të vazhduar të luajë me një lojtar si anglezi Harry Kane, megjithatë ai shtoi se është e vështirë të kuptohet çfarë do të ndodhë.
“Është e vështirë të kuptosh se çfarë do të ndodhë, apo të flasësh për negociata, sepse është vendim personal. Tottenham merr oferta çdo vit për Kane. Nuk vendos unë, por sigurisht që do të dëshiroja të vazhdoja të luaja me të.
Ai është i rëndësishëm për ne dhe është e vështirë të gjesh sulmues të ngjashëm me të. Këtë gjë e dinë të gjithë. Ai shënon gati një gol për ndeshje dhe Mourinho do të dëshironte ta mbante afër,” tha Moura.
