Policja ‘ekstravagante’ Anisa Kostani e cila fyu dje gazetarët me anë të postimit në rrjetet sociale, mësohet se është pezulluar nga detyra. Lajmi bëhet i ditur për Balkanweb, e ndërsa vendimi erdhi pas një ‘shpërthimi’ në rrjetet sociale ku shfaqej e indinjuar për gazetarët e kronikës sa i takon ngjarjes kriminale që ndodhi në Elbasan tre ditë më parë. Ajo i akuzonte gazetarët për shtrembërim të së vërtetës.
Agjencia e Mbikëqyrjes Policore ka filluar procedurën e hetimit të thelluar administrativ, për këtë specialiste të Drejtorisë Vendore të Policisë së Elbasanit.
Efektivja, pjesë e sektorit të krimit ekonomik në drejtorinë e Elbasanit, është pezulluar me kërkesë te kryepolicit Nano nga detyra.
Nano i ka kërkuar AMP të hetojë Kostanin si dhe të kalojë në filter të gjitha rrjetet sociale të policëve të cilët shfaqin sjellje kundër etikës e rregullores së policisë. Anisa Kostani u bë e njohur në rrjetet sociale, pasi mban gjarprin si kafshë shtëpiake.
