Analisti Besnik Mustafaj ka komentuar degradimin e gjuhës politike që ndodhi ditën e djeshme në Kuvend, kryesisht mes Berishës dhe Ramës.
I ftuar në studion e News 24, Mustafaj tha se për të fajtor në këtë debat është kryeministri Rama, i cili e kaloi debatin në nivel privat.
Sipas analistit, Berisha po zhvillonte një debat politik legjitim pasi është e drejtë të kërkohet llogari për familjarët e kryeministrit se si i fitojnë paratë për shkak të statusit të tyre.
“Berisha ka qenë apolitik kur i kërkoi Ramës nëse e shoqja, Linda ka apo nuk ka pjesë në ABI Bank. Në këtë kërkesë nuk ka asgjë anormale. Të gjithë familjarët e kryeministrit janë të detyruar t’i përgjigjen statusit në mënyrën se si i fitojnë paratë. Nervozizmi i vërtetë i kryeministrit ishte anormale. E transferoi debatin nga një nivel politik legjitim në një nivel privat.
Pastaj degradoi edhe Berisha, pasi nuk ka pse i thotë “horr”. Po flas për pjesën e parë që u bë shkak i degradimit të debatit, fajtor kryesor u bë kryeministri që humbi toruan dhe më pas gënjeu”, tha Mustafaj./ Tirana Today
