Sipas Organizatës Botërore të Shëndetit, SHBA mund të kthehet në epiqendrën më të re të koronavirusit.
Edhe pse OBSH ka njoftuar për një rritje të shpejtë të numrit të të infektuarve, presidenti Trump është gati të rihapë bizneset në vend.
“Tani po shohim një përshpejtim shumë të madh në raste në SHBA. Kështu që ai e ka atë potencial të bëhet qendra e pandemisë”, tha Margaret Harris, një zëdhënëse e OBSH.
Më shumë se 46 mijë persona janë infektuar deri më tani nga koronavirusi në SHBA, ndërsa mbi 100 pacientë kanë ndërruar jetë.
Për momentin është Evropa epiqendra e Covid-19, pasi në Kinë situata u përmirësua ndjeshëm kohët e fundit.
Tre shtetet më të prekura nga koronavirusi në Evropë janë Italia, Spanja dhe Franca.
