Komiteti i urgjencës në Organizatën Botërore të Shëndetësisë (OBSH), ka paralajmëruar se variante të reja shqetësuese të Covid-19, pritet të përhapen në të gjithë botën, duke e bërë edhe më të vështirë ndalimin e pandemisë.
Zyrtarët e OBSH, së fundmi kanë deklaruar se një ndër shfaqet kryesore i rritjes së rasteve të reja me Covid në gjithë botën është shfaqja e variantit Delta, shkruan Trt World.
“Pandemia nuk ka përfunduar askund,” tha komiteti në një deklaratë, duke theksuar “gjasat e forta për shfaqjen dhe përhapjen globale të varianteve të reja shqetësuese që mund të jenë edhe më të rrezikshme apo më sfiduese për t’u kontrolluar”.
Ekspertët e pavarur thanë se vaksinimet nuk duhet të jenë kushti i vetëm për të lejuar udhëtimet ndërkombëtare, duke pasur parasysh aksesin e kufizuar global dhe shpërndarjen e pabarabartë të vaksinave Covid-19.
Sipas tyre, kërkimi i provës së vaksinimit thellon pabarazitë dhe promovon lirinë e pabarabartë të lëvizjes.
