Arbitrat e futbollit ankohen te kryeministri Edi Rama se nuk janë paguar, edhe pse janë futur në paketën e ndihmës nga FSHF. Një prej tyre nuk ka ngurruar që të bëjë këtë pyetje gjatë bashkëbisedimit që kryeministri kishte në faqen e Facebook, ndërsa ai iu përgjigj me shumë ironi.
Rama argumentoi se i ishin ankuar njerëz se ata jepnin penallti gabim, ndërsa bëri të qartë se për momentin nuk përfshihej kjo kategori në ndihmën ekonomike.
“Po për arbitrat o shefi si i bëhet, a do të na paguajë njeri? Për arbitrat e kujt, arbitrat e futbollit? T’ju paguajmë se jepni penallti gabim, hm? Jepni shumë penallti gabim ju, kam dëgjuar, se unë nuk e ndjek kampionain shqiptar. Për arbitrat e futbollit jo, nuk ka asgjë për momentin”, deklaroi kryeministri.
