Nënkryetari i Kuvendit, Myslim Murrizi, i kërkoi falje publikisht të gjithë personave të cilët u ndjenë të fyer, nga një koment i tij, në të cilin ai quante një person ‘doën’.
Mirëpo, pikërisht në statusin ku kërkonte ndjesë, Murrizi ka ofenduar në komente shoqatën e cila u vu në mbrojtje të personave me Sindromën Down, duke thirrur edhe një protestë, e cila u zhvillua pak ditë më parë.
Murrizi, duke i kthyer përgjigje një komentuesi, vijon ironitë e tij, duke u shprehur se tani ka ‘frikë’ mos revoltohet ‘shoqata e qenve’.
“Fiks këlyshët e Sorrosit. Ohh ishalla nuk na ngrihen këta të shoqatës së qenve tani????”, shkruan në komente Murrizi.
Ky koment nuk ka kaluar pa u vënë re nga drejtuesja e Fondacionit Down Syndrome Albania, Emanuela Pepkola Zaimi, e cila vë në dukje se Murrizi nuk ka reflektuar aspak.
“Me që kërkoi ndjesë publike dhe e kishte të ndjerë pendesën…urdhnoni!! mu në status që ka publikuar ndjesën vazhdon komenton plot reflektim”, shkruan Zaimi në Facebook.
