Mikel Gjovalin Alia, bashkëpunëtori i vrasjes së 34-vjeçarit Eri Zefi është vetëdorëzuar në polici ditën e sotme.
Raportohet se ishte Alia ai i cili nxori në pritë shokun e tij të ngushtë, Eri Zefin.
Kujtojmë se ky i fundit u gjet i pajetë i hedhur pranë Rrugës së Kombit ditët e para të tetorit 2019.
Blutë e Mirditës në një informacion zyrtar për arrestimin e Mikel Gjovalin Alia, bënë me dije edhe detajet e operacionit.
“Në vijim të veprimeve për zbardhjen e ngjarjes së ndodhur në Fan, Mirditë, ku mbeti i vrarë me armë zjarri shtetasi E.R., ju informojmë se:
Si rezultat i punës hetimore të kryer nga grupi i posaçëm hetimor nën drejtimin e Prokurorisë së Rrethit Gjyqësor Lezhë u bë e mundur identifikimi dhe shpallja në kërkim e autorit të dyshuar të kësaj ngjarje.
Policia në vijim dhe pa ndërprerë ushtroi kontrolle të shumta dhe përdori metodat speciale të hetimit për të bërë të mundur kapjen e autorit.
Njëkohësisht Grupi i posaçëm hetimor negocioi me familjarët e autorit të dyshuar që t’i dorëzohej organeve të drejtësisë.
Sot nga Policia e Lezhës u bë ndalimi i shtetasit M(Gj).A.,i dyshuar për veprën penale “Vrasje me paramendim e kryer në bashkëpunim” dhe “Prodhimi dhe mbajtja pa leje e armëve dhe municionit luftarak”, thuhet në njoftimin e policisë.
Materialet iu referuan Prokurorisë pranë Gjykatës së Shkallës së Parë Lezhë, për veprime te mëtejshme.
