Deputeti i PS-së, Taulant Balla, kishte deklaruar më herët se deputeti i PD-së, Ervin Salianji u largua me nxitim nga “Tv Klan”. Kjo sipas tij, ndodhi në kohën kur prokurorët mbërritën për të marrë videon e transmetuar në emisionin “Opinion”.
“Ata që i nxjerrin videot, nuk duhet t’ia fusin vrapit. Rastin i mbrëmshëm i largimit me shpejtësi i Salianjit, duke vendosur në rrezik rojet është i turpshëm”, u shpreh Balla. Kjo deklaratë ka marrë vemendjen e analistit Lorenc Vangjeli, i cili ka nxjerrë blof Ballën.
“Ne ishim të gjithë bashkë, nuk e pashë deputetin Salianji të ikte me vrap, dhe nuk e pashë të xhironte gomat”, tha Vangjeli në emisionin “Opinion”.
