Një nuse e sapomartuar ka vdekur, pasi ka rënë nga një shkëmb gjatë muajit të mjaltit në një incident që policia e përshkroi si “të dyshimtë”.
Fawziyah Javed, 31 vjeç, thuhet se kishte udhëtuar për në Edinburg, vetëm disa ditë pasi festoi pritjen e saj të dasmës.
Gruaja u rrëzua tragjikisht nga Selia e Arturit (vullkan antik) rreth orës 21:00 të së enjtes, dhe shërbimet e urgjencës shkuan në vendin e ngjarjes në Holyrood Park, raporton Daily Record.
Përkundër përpjekjeve të policisë, ndihmës së mjekëve dhe ekipeve të zjarrit, e reja e cila punonte në Lyons Davidson Solicitors në Leeds, nuk mund të shpëtohej.
Shërbimet e urgjencës nxituan në Parkun Holyrood pas orës 21:00 të së enjtes. Besohet se ajo festoi dasmën me të dashurit e saj të Dielën para se të udhëtonte për në Skoci me tren në fillim të javës.
Burimi gjithashtu pohoi se Fawziyah mendohej se ishte në fazat e hershme të një shtatëzënie, para vdekjes së saj tragjike.
Policia e Skocisë konfirmoi se një 27-vjeçar është arrestuar, si pjesë e hetimit të tyre për incidentin.
Një zëdhënës i forcave tha: “Ne morëm një raport se një grua kishte rënë nga Arthur’s Seat, Edinburgh, rreth orës 21:00 të enjten, 2 shtator.
Gruaja u shpall e vdekur pavarësisht përpjekjeve të policisë, mjekëve dhe ekipet e zjarrfikësve.
“Shërbimet e urgjencës morën pjesë, përfshirë shërbimin e zjarrfikësve dhe ambulancën. Gruaja 31-vjeçare vdiq në vendngjarje, pak kohë më vonë dhe vdekja e saj po trajtohet si e dyshimtë”.
Burimi i lajmit: Mirror. Përshtati Tirana Today
