Boksieri shqiptar që ka një karrierë të bujshme në arenën ndërkombëtare të boksit, Nuri Seferi i cili prej kohësh jeton dhe vepron në Zvicër. Ai ka vendosur që të rikthehet në ring për të 48-ën herë dhe do të sfidojë boksierin afrikan, Wilberforce Shihepo.
Të dy boksierët njihen pak mes tyre dhe do të duelojnë në kategorinë deri në 91 kg më 16 mars 2018 në Vjenë të Austrisë. Nuri Seferi, është ndër boksierët më të suksesshëm shqiptar në boksin profesionist, deri tani ai ka 47 duele, prej të cilave, 39 fitore ( 22 me nokaut ) e 8 humbje.
Ndërsa sfiduesi i tij, Shihepo, deri tani ka zhvilluar 33 duele, nga të cilat, 24 fitore ( 17 me nokaut) si dhe 9 humbje.
Përballja e këtyre dy boksierëve pritet me interesim nga të dy palët si dhe përkrahësit e tyre. Nuriu, pret ta ketë dhe një përkrahje të madhe nga shqiptarët të cilët jetojnë në Austri.
