Kryeministri Edi Rama ka paralajmëruar se opozita nuk do i shpëtojë Reformës në Drejtësi. Gjatë fjalës së tij në parlament, Rama u ndal edhe te ngatërrimi i Berishës, i cili në vend që të thoshte “21 dhjetori”, tha “21 janari”.
“S’është rastësi, gjuha shkon aty ku dhëmb dhëmbi, por ty të dhemb një tjetër vend”, tha Rama ndërsa shtoi se Berisha dhe Basha firmosën marrëveshjen antikueshtetuese me Greqinë për detin, si dhe u bëri thirrje deputetëve demokratë që të votojnë krijimin e institucioneve të KLP-së dhe KLGJ-së.
“Do ishit në gjende të shpërthente edhe një luftë nukleare, nqs do kishit gjë në dorë. Halli juaj lidhet me atë që po ndodh në Shqiëprinë tonë të vogël, prandaj kërkoni shpëtim jashtë, sot e kërkoni në Lindjen e Mesme.
Ju keni humbur Brukselin, keni humbur arsyen dhe keni humbur gjumin. Politika juaj është jerm, baltë, sepse Reforma në Drejtësi që e votuat me të dyja këmbët me një këpucë, sepse kjo partia që nuk e ndalët dot ju ka futur në një hall. Sa të jetë kjo parti e dini shuëm mirë që s’keni shanc të mbetet vendi pa drejtësi.
Sot jeni gati të bëheni cifutë, eskimezë, dele të zeza që të mos jeni këta që jeni, që të mos ju kapin. Dëgjova njërin nga ju që doli në një kazan e tha s’duam investime këtu. Kur gdhihet ha pilaf e raki, e fillon drekën me plënc e më pas në darke ha froshë. Këta jeni ju, pilaf, groshë dhe frikë nga ajo që vjen.
Çohesh këtu e thua 21 janari, ndërkohë që duhet të thuash 21 dhjetori. S’është rastësi, gjuha shkon aty ku dhëmb dhëmbi, por ty të dhemb një tjetër vend. Ti Sali bashkë me mikun tim Lulzim, e futët detin në govatë dhe firmosët një marrëveshje antikueshtetuese, që quhet tradhti. Sot jeni gati që detin ta nxirrni rrugëve e të na marrë të gjithëve, për të nxjerrë matanë gropës së ndëshkimit të drejtësisë që s’keni asnjë shans ta ndaloni.
Nuk jeni naivë, ti Sali je i ditur e i djallëzuar, por je i trembur. Hajde te sheshi e pastaj të shofim a do bëhet a jo përshesh”, tha Rama.
Gjatë fjalës së Ramës, Berisha është ngritur nga vendi duke iu përgjigjur akuzave të Ramës me kundërakuza. TIRANA TODAY
