Mjeku psikiatër, Gentian Cala, tregon se problemet e shëndetit mendor të Olsi Çekiçit kishin lindur si pasojë e përdorimit të lëndëve narkotike.
Cala i cili kishte marrë në trajtim autorin e masakrës në Pogradec, shprehet se 44-vjeçari ushtronte dhunë ndaj familjarëve sa herë ishte nën efektin e lëndëve narkotike.
Autori i masakrës nuk ka pranuar të marrë mjekime, ndërsa ishte e ëma e tij, e cila shkonte në qendrën e shëndetit mendor dhe kërkonte recetë ilaçesh për të birin.
Çekiçi u shpreh se nuk ishte penduar për aktin, gjatë dëshmisë së tij në polici, pasi sipas tij një ditë kjo gjë do të ndodhte.
44-vjeçari i mori jetën nënës së tij të moshuar, ndërsa ka tentuar të vrasë edhe vëllain e tij. Sipas të afërmve, sherri ka nisur për telefonin e vajzës së tij minorene. Ai ka dashur që të vrasë 15-vjeçaren, por e ëma e tij ka ndërhyrë për ta shpëtuar.
