Zbardhen detaje të reja lidhur me arrestimin e autorit të dyshuar të vrasjes së 32-vjeçarit Emiljano Boçi, si dhe plagosjes së shokut të tij Melvin Disha në Tiranë në 14 janar 2018.
Në këtë periudhë, i arrestuari Hektor Xheçuka ka jetuar në banesë me qira në zonën e 21 Dhjetorit. Gjatë këtyre muajve, ai ka dalë ilegalisht nga Shqipëria në Kosovë dhe në Greqi.
Po ashtu, Xheçuka i u kap në tentativë për t’u larguar nga vendi. Ai u kap në pikën e kalimit kufitar në Kakavijë, ndërsa nuk i është gjetur asnjë send i paligjshëm. Policia i sekuestroi 2 telefona të cilëve po u kryhet ekspertiza.
Por, çfarë tha i riu për vrasjen?
I arrestuari nuk ka pranuar akuzën para policisë, teksa tha se “nuk ka lidhje me ngjarjen”, duke kërkuar avokat dhe nuk ka pranuar të pyetet me tepër.
Policia dyshon se i riu është vrasës me pagesë dhe po heton për disa ngjarje kriminale.
Informacione për ngjarjen, lëshuar nga policia pas ekzekutimit
Një ngjarje e rëndë ka ndodhur sot në Tiranë, pasi një shtetas është gjetur i plagosur në makinën e tij nga policia.
Nga plagët e marra personi i plagosur ka ndërruar jetë. Po ashtu në makinë është gjetur dhe një person tjetër ri plagosur.
Mësohet se viktima është Emiliano Boçi, nga hetimet e deri tanishme thuhet se kjo ngjarje është një atentat i mirëfilltë.
Burime për “Panorama” bëjnë me dije se viktima është kishte dy vite që kishe dalë nga burgu, i cili kishte vuajtur një dënim për plagosje.
Po ashtu bëhet me dije se viktima kishte 3 javë që ishte kthyer nga Gjermania.
Makina e bardhë në foto është mjeti në të cilën udhëtonte viktima dhe i plagosur në momente që u bë atentati.
Njoftimi i policisë lëshuar pas kapjes së Xheçukës
Policia e Tiranës në bashkëpunim me Prokurorinë e Rrethit Gjyqësor Tiranë identifikojnë autorin e dyshuar të ngjarjes se ndodhur më 14 Janar 2018 ku mbeti i vrarë Emiljano Boçi.
Identifikimi i autorit të dyshuar pas një hetimi disa mujor me metoda speciale të hetimit nga Seksioni për Krimet e Rënda në Drejtorinë Vendore të Policisë Tiranë në bashkëpunim me Prokurorinë e Rrethit Gjyqësor Tiranë.
Kapet dhe vihet në pranga Tori (Hektor) Xhecuka, 20 vjeç, lindur në Burrel dhe banues në Tiranë, për veprën penale të “Vrasjes me paramendim” e kryer në bashkëpunim dhe të “ Prodhimit dhe mbajtjes së armëve luftarake”.
emiliano boci
20-vjeçari është autor i dyshuar i ngjarjes së ndodhur në datën 14 Janar 2018 në rrugën “Shefqet Musaraj”, ku mbeti i vrarë shtetasi Emiljano Boçi, si dhe autor i dyshuar i “Vrasjes së mbetur në Tentativë” të shtetasit M.D.
Për arsye hetimi në funksion të zbardhjes së plotë të kësaj ngjarje, nuk bëhen me dije detaje të tjera. Për vitin 2018 Policia e Tiranës ka zbardhur të gjitha ngjarjet kriminale në fushën e vrasjes dhe të plagosjes
