Shqipëria shkëputi dje marrëdhëniet diplomatike me Iranin, pasi kryeministri Edi Rama tha se ka prova të pakundërshtueshme se Irani ka financuar sulmin kibernetik prej të cilit ra pre Shqipëria dy muaj më parë.
Qeveria i dha urdhër ambasadorit dhe të gjithë stafit të Ambasadës Iraniane të largohen nga Shqipëria brenda 24 orëve.
Tashmë punonjësit e Ambasadës së Iranit në Tiranë lanë ambientet e tyre. Antiterrori, RENEA dhe njësia Antieksploziv do kontrollojnë godinën ku ishte Ambasada e Iranit.
