Nusret Gokçe është kuzhinier turk dhe pronar i rrjetit Nusr-Et. Stili i tij i gatimit dhe prerjes së mishit u bë i njohur në internet. Nusreti njihet për stilin e veçantë të hedhjes së kripës dhe përgatitjen e biftekut të shijshëm. Kuzhinieri i famshëm me famë botërore, Nusret Gokçe është paditur nga punonjësit e tij, për punë jashtë orarit.
Kuzhunieri dhe zinxhiri i tij i lokaleve u paditën të martën në Nju Jork, për pretendimet se ata i mohuan pagesën jashtë orarit për pesë punonjës të skarës që punonin 72 orë në javë, raportoi së pari CNBC.
Er sel Ok, Muhammet Yilmaz, Emre Isler, Eyyup Yeniceri dhe Ibrahim Gecit jetonin në Turqi para se zinxhiri i Nusr-Et ti rekrutonte dhe t’i sillte në SHBA midis viteve 2018 dhe 2019, thuhet në padi.
Ata punonin në role jo -menaxheriale, duke gatuar mish në kuzhina, por zinxhiri lokaleve i klasifikoi ata si menaxherë, gjë që i përjashtoi ata nga puna jashtë orarit, sipas padisë.
Punonjësve të cilëve u është dashur të “punojnë orë shtesë në pozicione jo menaxheriale në restorante”, u është paguar një pagë javore prej 1,125 dollarë, thuhet në padi. Burrat punuan 72 orë ose më shumë në javë pa pagesë jashtë orarit.
Padia pretendon se kjo shkelte Aktin e Standardeve të Punës, i cili thotë se punonjësit kanë të drejtë të paguhen jashtë orarit, pasi punojnë 40 orë në një javë. Padia u ngrit nga avokati i Nju Jorkut, Louis Pechman, në gjykatën federale të Nju Jorkut.
Në ndërrime kur Gokçe ishte i pranishëm, punonjësit punonin orë më të gjata, ndonjëherë deri në 90 orë në javë, sepse shefi “ishte i pranishëm”, thuhej në padi.
Zinxhiri i lokaleve dhe Gokçe nuk u dhanë punonjësve njoftime të sakta për pagën kur ata u punësuan, thuhet në padi. Ata gjithashtu nuk mbanin shënime për orët e punës të burrave ose deklaratat e pagave, thuhet më tej në padi.
Të gjithë burrat u larguan nga zinxhiri i themeluar nga Gokçe në korrik, citohet më tej.
Përveç punës më të gjatë kur Gokçe ishte në restorant, pesë burrave iu tha gjithashtu të gatuanin ushqime speciale për të, shtoi padia.
Burimi i lajmit: BusinessInsider. Përshtatur nga Tirana Today
