Një i moshuar ndërroi jetë para pak ditësh, teksa ra pa ndjenja në Gjilan, si dhe u injorua nga kalimtarët.
Videoja bëri bujë në rrjet, ku u dënua neglizhimi i dëshmitarëve, pasi këta të fundit mund t’i kishin shpëtuar jetën viktimës.
Policia e Kosovës ka njoftuar që pas verifikimeve të pamjeve filmike, ka arritur të identifikojë dhe më pas ka arrestuar njërin nga dëshmitarët.
Ja njoftimi i plotë:
Policia e Kosovës njësitet e hetimeve Rajonale në bazë të shënimeve dhe video incizimeve të marra me rastin e personit të vdekur më datë 01.07.2017, ku viktima ka vdekur në rrugë, dhe shihet se disa automjete vetëm kanë vazhduar rrugën dhe nuk i kanë ofruar ndihmë personit të sëmurë-shtrirë në rrugë.
Është identifikuar njërin nga vozitësit e kamionetës i cili ka kaluar aty afër dhe nuk është ndalur për të ofruar ndihmë.
Personi i identifikuar është thirrur për intervistë dhe në konsultim me prokurorin e çështjes i njëjti është intervistuar në cilësinë e të dyshuarit nën prezencën e mbrojtësit të tij personal dhe ai akuzohet për veprën penale “Mosdhënia e ndihmës” në bazë të nenit 191 të KPRK, të njëjtit nga ana e prokurorit të shtetit iu ka lëshuar vendimi mbi ndalim policor për 48 orë. Rasti është duke u hetuar.
