Një krim pasioi ka ndodhur pasditen e sotme në komunën Casale Monferrato (Alessandria) të Italisë, ku një burrë shqiptar ka vrarë me thikë ish-bashkëshorten e tij. Siç raportojnë sot mediat lokale, rreth orës 14.30, Kujtim Hasanaj, 49 vjeç, goditi me një thikë kuzhine ish gruan, Elena Seprodi, 48 vjeç. Raportimet e para për kombësinë e saj janë kontradiktore. Disa media italiane shkruajnë se është rumune, ndërsa të tjera njoftojnë se është hungareze.
Kur efektivët hynë në banesën ku ndodhi krimi, Hasanaj kishte ende në dorë armën e krimit. Trupi i pajetë viktimës ishte i shtrinë në dysheme, ndërsa vrasësi qëndronte ulur pranë. 48-vjeçari, i cili kishte një djalë të mitur me viktimën, nuk tentoi as të arratisjej e as të mohonte vrasjen.
Ata grindeshin shpesh për çështje parash apo ngjarje të kaluara, që lidhen me çështje tradhtie, raportojnë mediat lokale. Para banesës ku ndodhi krimi, ku jetonte gruaja, por ishte në pronësi të shqiptarit, ishte një patrullë e policisë bashkiake. Ata kanë dëgjuar ulërimat e viktimës që nga shtëpia dëgjoheshin në rrugë. Kur shkuan në banesë, gjetën para syve skenën e krimit. Më pas, lajmëruar karabinierët, të cilët gjithashtu shkuan në vendngjarje, duke arrestuar autorin.
