Gjatë ditës së sotme, kryeministri Edi Rama takoi banorët e fshatit Floq, në Korçë, banesat e të cilëve janë shkatërruar si pasojë e tërmetit që preku vendin në fillim të muajit qershor.
Rama e bëri publik momentin e takimit me banorët, përmes një videoje në Facebook, ku ndër të tjera u shpreh se rikonstruktimi i banesave do të përfundojë përpara stinës së dimrit.
“Objektivi është që para dimrit të mos ketë njeri më në tenda. Dimri dhe i ftohti të mos i zërë nëpër tenda. Në fakt kemi krijuar dy fonde: një fond të bashkive të tjera të vendit dhe një fond nga fondi i fushatës së PS-së, por ka edhe përgjegjësi sociale nga ana e kompanive. Është krijuar një fond kompleks”, tha Rama ndër të tjera.
Mirëpo në një moment, gjatë takimit me banorët, një grua iu drejtua kryeministrit se nuk po i rindërtohej banesa për shkak të ngjyrës blu.
“Më thonë se nuk m’i bëjnë shtëpitë, se i kam me ngjyrë blu”, shprehet banorja.
Ndërkohë, kryeministri qesh dhe i përgjigjet “Jo moj jo, ngjyra blu është e bukur”.
Në minutin 4:44 të videos…
