Gazetari i njohur investigativ, Artan Hoxha deklaroi se është marrë peng në vitin 1997. Deklarata e Hoxhës, u bë mbrëmjen e sotme në emisionin ”Të Paekspozuarit” në MCN.
Hoxha tha se me të gjitha ngjarjet kriminale të ndodhura në Shqipëri, as ai nuk i shpëtoi dot pengmarrjes. Sipas tij, në ditët e sotme është më problem, pasi del në ekrane televizive dhe bëhesh i njohur.
Ndër të tjera, Hoxha rrëfeu edhe sekretet e profesionit të tij, në mënyrë që të mos kapetnga kriminelë apo banditë.
Pjesë nga biseda:
Ylli Rakipi: A të kanë marrë ndonjëherë peng?
Artan Hoxha: Sigurisht që më kanë marrë peng, kujton se kam shpëtuar… Më kanë marrë në ’97-ën, jo tani.
Ylli Rakipi: Po tani?
Artan Hoxha: Tani është problem, kur del në televizor dhe bëhesh i njohur është problem. Gjatë vitit të kaluar një kolegia jonë tentoi të bëjë këtë gjë që bëj unë zakonisht, mirëpo bëri një gabim, u fut natën. Natën do filmosh me prozhektor. Vuri veten në rrezik, kameramanin sepse nuk filmohet natën dhe të nesërmen ata kapën televizionin dhe ajo video nuk doli. Çështja është të hysh e të dalësh pa e marrë vesh ata se po e morën vesh mbaron filmi. Mua më ka ndodhur një rast, kam hyrë në një zonë, kam gjetur një plantacion me 45 mijë rrënjë, s’kisha parë aq të madh. Ata kishin gjetur një rezervuar nga ato të Enverit dhe ruhej nga policia vetë. Nuk e dija që ishte aq e madhe. Informacionin ma dha një grup tjetër që se kishin lënë të kultivonte. Është shumë e rrezikshme ta bësh këtë.
