Liverpool do të jetë ekipi që do të udhëtojë për në finalen e Kievit, ku do të përballet me Real Madrid. Një mbrëmje e jashtëzakonshme në “Olimpioco” të Romës, ku italianët fituan 4-2, por që nuk mjaftonte për ta çuar në shtesë, pasi re4zultati i përgjithshëm ishte 6-7 në favor të “The Reds”, pasi kishin fituar 5-2 në “Anfield Road”.
Seido Mane hapi siparin e golave që në minutën e 9’ të takimit, pas një gabimi në mesfushë të Nainggolan. Ishte Firmino që përfitoi mjaft mirë duke asistuar mjaft mirë për afrikanin i cili nuk gabon përballë portierit Alisson. Ky ishte goli numër 29 i treshes sulmuese të Liverpool Mane-Salah-Firmino, duke thyer rekordin e BBC (Benzema, Bale, Ronaldo) me 28 gola, në sezonin 2013/14.
Verdhekuqtë e Di Francescos kanë reaguar vetëm pas 6’ minutash, ku pasi Florenci kroson në zonë, një moment pakujdesie dhe topi përfundon në fytyrën e Minler dhe më pas në rrjetë, me portierin krejtësisht të pafajshëm.
Roma ndezi motorët dhe hidhet e gjitha në sulm duke lënë mjaft hapësira pas, kjo bëri që Liverpool të gjente sërish rrugën e rrjetës në pjesën e parë me Wijndalum. Ky ishte goli i tij i parë në karrierë jashtë fushe. Përgjigja e Romës erdhi me shtyllën e El Shaarawy, teksa pjesa e parë u mbyll 1-2 për miqtë.
Në minutën e 52-të të pjesës së dytë, Edin Dzeko shënoi golin e barazimit për Roma, i teti për të në këtë edicion të Champions League, duke barazuar rekordin e shënuesve të ekipeve italiane, që mbahej nga Samuel Eto’o i Inter në vitin 2011.
Golin e tretë për Romën e shënoi Nainngolan, kur kishin mbetur vetëm tre minuta lojë.
Në minutën e 93-të, belgu shënoi edhe golin e katërt me penallti, kësisoj përmbysja e madhe nuk u krye…
