Vedat Muriqi u transferua me bujë te Lacio në verë nga turqit e Fenerbahçes. Megjithatë aventura e sulmuesi të Kosovës te skuadra e Serisë A, nuk ka shkuar ashtu siç pritej, teksa tashmë ka vendosur të largohet.
Në Turqi zbulojnë se Muriqi dëshiron të rikthehet te Fenerbahçe dhe këtë ia ka bërë të ditur edhe menaxherit teknik të Fenerbahçes, Emre Belozoglu.
Mediat turke kanë zbuluar një telefonatë të Muriqit me Belozoglu, ku raportohet se sulmuesi i ka thënë:“Nuk gjeta ambientin që doja këtu. Nuk ka kuptim që të vazhdoj të qëndroj dhe të këmbëngul më tepër. Nëse dëshiron të më shikosh përsëri te Fenerbahçe, unë jam gati”.
