Stadiumi “San Siro” i Milanos në Itali mund të shembet tashmë pa asnjë pengesë.
Kjo pasi Komisioni Rajonal për Trashëgiminë Kulturore në Lombardi ka vendosur se stadiumi “Nuk paraqet interes kulturor në bazë të artikujve 10, 12 dhe 13 të Kodit”.
Kështu i hapet rruga projekteve të prezantuara nga Interi dhe Milani, për një impiant të ri në zonën e stadiumit aktual.
““San Siro” nuk ka pse të mbrohet sepse sa i takon gjendjes aktuale, arkitektura e parë të viteve 1925-26 dhe më pas 1937-39 ka humbur pas ndërhyrjeve të mëvonshme për rritjen e tij. Sidomos ato të viteve 1953-55 dhe 1989-1990, duke e shndërruar arkitekturën pjesë të në një transformim të vazhdueshëm”, thuhet në komunikatënë e Komisionit Rajonal për Trashëgiminë Kulturore.
