Përfundojnë dy ndeshjet gjysmëfinale të Europa League. Roma mundur Mançester Junajtid me rezultatin 3-2, por nuk ia ka dalë të kualifikohet në finale, pasi ndeshja e parë, e luajtur në “Old Trafford” përfundoi me rezultatin tenistik 6-2 për ekipin e Junajtid.
Edinson Kavani zhbllokoi shifrat për “Djajtë e Kuq” me golin e realizuar në minutën e 39. Asnjë rezistencë nga mesfusha dhe mbrojtja e verdhekuqve.
Në pjesën e dytë, Roma përmbysi rezultatin në harkun e 3 minutave; fillimisht me Edin Xhekon në minutën e 57 dhe më pas Kristante në minutën e 60, por Junajtid u kundërpërgjigj 8 minuta më vonë me Edinson Kavanin. Uruguajani shë noi dopietën e tij në këtë ndeshje.
Zalevski realizoi golin e tretë për Romën në minutën e 83. Rezultati i përgjithshëm i dy ndeshjeve përfundoi 8-5 për Mançester Junajtid.
Ndeshja tjetër, ajo mes Arsenalit dhe Vijarealit është mbyllur në barazim pa gola. Spanjollët e Unai Emeri, një nga ekspertët e këtij kompeticioni, ku ka fituar 3 Europa League me Sevijan, kanë prerë biletën në finalen e madhe të 26 majit që do të luhet në Gdansk të Polonisë, pasi në ndeshjen e parë “nëndetësja e verdhë”, fitoi me rezultatin 2-1.
