Banorët e Astirit prej më shumë se dy javësh kanë dalë në protestë. Banesat e tyre preken nga punimet te Unaza e Re. Ata kanë lajmëruar se do të protestojnë sot para Kuvendit.
Ndërsa kryeministri Rama ka dhënë edhe njëherë përgjigje të prerë për ta dhe sqarim për shqiptarët:
“Nuk ka asnjë shans që paligjshmëria të dëmshpërblehet me taksat tuaja”.
Me një video postuar në faqen e tij “Facebook”, Rama shkruan se tashme është e qartë situata ligjore në Unazën e Re. Kreu i qeverisë ka përsëritur atë që tha edhe dje publikisht, asnjë dëmshpërblim 100% për ata që kanë abuzuar me ligjin.
Postimi i Ramës
MIRËMËNGJES ? dhe me këtë pasqyrë sqaruese të situatës ligjore në Unazën e Re, ku ndër ata që e quajnë veten në “proces legalizimi”, janë shfaqur edhe një kategori e panjohur më parë e zaptuesve profesionistë të trojeve publike a private, ju siguroj se s’ka asnjë shans që paligjshmëria të dëmshpërblehet me taksat tuaja dhe ju uroj një ditë të mbarë ?
