Policia italiane ka prangosur 6 persona, pasi mbi ta rëndonte akuza për “trafik droge”. Mësohet se janë sekuestruar në cilësinë e provës materiale 250 kg marijuanë dhe gjysmë kg kokainë e fshehur në tubat e një gomone, e kapur gjatë verës së 2018. Për t’i shpëtuar nuhatjes së qenve, trafikantët e kishin parfumosur drogën me aromë jasemini.
Ky është bilanci i një operacioni të kryer nga policia italiane, ndërkohë që lënda narkotike vinte nga Shqipëria.
Gomonia me drogë u kap më 4 korrik 2018, ndërsa transportohej në autostradë nga një automjet tip Honda, e që ndiqej nga një tjetër automjet tip Fiat.
Në pranga u vunë 2 italianë nga Brindisi, Fulvio Lonero e Massimo Ferrero.
Ky është rasti i parë që antidroga italiane ka zbuluar një sasi droge të kamufluar me aromë jasemini.
Mediat italiane bëjnë me dije më tej se falë sekuestrimit të telefonëve celularë, është bërë e mundur zbardhja e aktivitetit kriminal.
