“Po të mos ishin ata do kisha rezistuar vetëm pak minuta”, kështu tregon italiani Loreno Casini, për aksidentin që për pak i mori jetën, nëse nuk di ishte 4 djem shqiptarë, që i cilëson heronj dhe i falënderon publikisht.
Ai e rrëfen historinë për mediat italiane, duke treguar me detaje ndodhinë e trishtë që e bëri të mendohet mirë, teksa makina e tij doli nga rruga dhe për pak do të gjente vdekjen i bllokuar në ujë.
Ngjarja sipas tij ka ndodhur me 8 dhjetor, kur 67-vjeçari italian ishte duke udhëtuar me makinën e tij, por doli nga rruga, dhe makina iu kthye përmbys në kanal.
Ai tregon se u përpoq të hapte derën, por ajo ishte e bllokuar. Tentoi disa herë me gjithë forcën por sipas tij ishte e pamundur. “Uji po arrinte në fyt”- tregon ai historinë, ku nuk turpërohet të thotë se i ndryshoi gjithë paragjykimet që kishte për shqiptarët.
Ai nuk përmend emra, por i quan ata heronj, 4 engjëj si të zbritur nga qielli për ta shpëtuar atë. Ata po kalonin me makinë në momentin italiani po luftonte të dilte nga mjeti i tij brenda kanalit.
“Më thërritën të dilja, të hapja derën, por unë nuk mundesha dot”. Një nga ata tha: “Futuni ta shpëtojmë. Ndërkohë një njëri shtyu derën, tjetri nga ata më hodhi një rrip që të mbahesha”- tregon ai.
Më tej, teksa vijon historinë se pas kësaj mundi të dilte gjallë, shton se nuk di nëse i falënderoi dot atë ditë dhe këtë ua thotë publikisht. Gruaja e tij Giovanna i konsideron 4 shqiptarët “engjëj të zbritur nga qielli”.TIRANA TODAY
