Kryetarja e Partisë Lëvizja për Ndryshim, Jozefina Topali ka dhënë dorëheqjen nga drejtimi i forcës politike, të cilën e themeloi pak muaj para zgjedhjeve të 25 prillit.
Lajmin e ka bërë të ditur vetë Topalli përmes një postimi në rrjetet sociale, teksa thekson se Lëvizja për Ndryshim nuk ia doli për t’u bërë faktor në këto zgjedhje, pasi nuk mori asnjë mandat.
”Levizja per Ndryshim nuk ia doli per t’u bere faktor ne keto zgjedhje. Por une deshiroj te falenderoj stafin, sejcilin prej kandidateve qe sfiduan klasen politike aktuale; te falenderoj te gjithe ata qe besuan. Duke u larguar nga drejtimi i kesaj Levizje uroj qe njerez patriot dhe te pakorruptuar te vazhdojne Levizjen per reformimin e se djathtes shqiptare.’’, shkruan Topalli në rrjetin social, Facebook.
Partia Lëvizja për Ndryshim nuk arriti të kalonte pragun në zgjedhjet parlamentare, duke marrë 7049 vota, ose 0.45% në rang vendi.
