Policia e Shteti ka gjobitur me 5 milion lekë nënkryetarin e Partisë Demokratike, Edmond Spahon. Sipas uniformave blu, Spaho kishte kishte organizuar një takim në fshatin Menkulas të Devollit, me grumbullime personash, në kundërshtim me masat anti-covid.
”Shërbimet e Komisariatit të Policisë Devoll, pas konstatimit se në fshatin Menkulas, Devoll, në ambientet e një lokali, përfaqësuesi i një subjekti politik konkretisht shtetasi E. S., kishte organizuar një takim me grumbullime personash, në kundërshtim me Aktin Normativ Nr. 3, datë 15.03.2020, Neni 3, pika 2, në zbatim të këtij akti, e kanë ndëshkuar shtetasin e mësipërm me masën administrative 5.000.000 lekë.”, informon policia.
Ndërkohë, është gjobitur me 1 milion lekë edhe pronari i lokalit ku u organizua takimi, shtetasi S. Gj.
Më herët, u gjobit me 5 milion lekë, edhe Kryetari i Forumit Rinor të Partisë Demokratike, Belind Këlliçi, për shkak se ka organizuar takime në ambiente të mbyllura me mbi 10 persona, duke shkelur protokollet anti-covid.
