Kryeministri i Kosovës Albin Kurti, ka patur një debat me homologen e tij serbe Ana Brnabiç, në samitin e sotëm të liderëve të Ballkanit, që u zhvillua në Tiranë.
Gjatë prononcimit për mediat, Kurti tha se kishte një lloj polemile, pasi Brnabiç nuk dëshironte të pranonte që Kosova është shtet i pavarur dhe sovran.
Nga ana tjetër, Kurti kishte deklaruar se Serbia do të duhej të shkëputej duke u distancuar nga regjimi i Millosheviçit dhe trashëgimia e tij.
Ndër të tjera, kreu i qeverisë kosovare ritheksoi faktin se prej 13 vitesh Kosova është shtet i pavaruar, dhe Serbai duhet ta njohë tashmë.
Albin Kurti: “Kishte një lloj polemike. Nuk dëshironte të pranonte që Kosova është shtet i pavarur dhe sovran. Unë theksova që Serbia do të duhej të shkëputej duke u distancuar nga regjimi i Millosheviqit dhe trashëgimia e tij. Njohja e pavarësisë së Kosovës është e vlefshme edhe për vetë Serbinë, që në këtë mënyrë mban veten peng. Kosova e ka shpallur prej 13 vitesh pavarësinë nga Serbia, është koha e fundit që Serbia të shpallë pavarësinë nga Kosova”.
