Ish-drejtori i Arkivës në Ministrinë e Brendshme, historian Kastriot Dervishi ka reaguar për financimin e portaleve shqiptare nga grekët.
Me anë të një postimi në rrjetin social “Facebook” Dervishi shpjegon se po te shohësh se nga orientohet një media online shikon dhe lehtësi origjinën e financimit të portaleve që mbahen me financa të paligjshme.
Historiani shkruan se rreziku me i madh është ai që vjen nga financimet që vijnë nga: Rusia, Serbia, aktivitetet kriminale, korrupsioni, droga, Sorosi, enveristët etj.
Financimi i disa portaleve
Prej disa ditësh është hapur një debat në lidhje me financimet e huaja ndaj disa portaleve shqiptare. Po i mëshohet më shumë faktit se Greqia ka bërë hatanë, e po lihen në heshtje të plotë pikërisht ato financime që po e mbizotërojnë këtë treg.
Produkti mediatik është ai përcakton fare qartë politikat nga orientohet një portal. Ky është çelësi që ta jep me lehtësi origjinën e financimit të portaleve që mbahen me financa të paligjshme. Në vitet e kaluara, financimi nga Greqia ka qenë dukuri e njohur dhe shumë më serioz se sot kur po trajtohet si “problem i madh”. Sot, mediat e financuara nga Greqia (dhe jo vetëm ato) nuk kanë peshën që po i japin këto ditë. Kurrë ndonjëherë, pas ardhjes së qeverisë së Ciprasit, financimet greke nuk kanë kaq të vogla në drejtim të Shqipërisë.
Në të vërtetë, dëmsjellës për vendin, në konkurrencë të egër me njëra-tjetrën për territor shihen financimet që vijnë nga: Rusia, Serbia, aktivitetet kriminale, korrupsioni, droga, Sorosi, enveristët.
Emetimi i shpeshtë i lajmeve nga Rusia (agjencia “Sputnik”, p.sh.), nga Serbia, sulmi i përditshëm dhe i vazhdueshëm që i bëhet presidentit Trump, si dhe rritja ndjeshëm e propagandës enveriste, janë treguesit më të mirë dhe shqetësimi kryesor se ku është përqendruar financimi i mediave e portaleve me probleme në Shqipëri.
