Kryeministri, Edi Rama reagon sërish në distancë ndaj kreut të PD-së, Luzim Basha.
Sipas kreut të qeverisë, sa më shumë i shmanget kryetari i opozitës sqarimit në lidhje me votën pro ndaj raportit të Dick Marty, aq më shumë pohon se është kujdestari i dosjes së Shtëpisë së Verdhë.
Rama shprehet se Basha nuk bëhet dot lider i opozitës, pasi nuk përballet me pyetjen që i ka bërë.
Madje, Rama e ironizon duke thënë se Basha mbetet kukulla e ish-kryeministrit Sali Berisha, presidentit Ilir Meta dhe kryetares së LSI-së, Monika Kryemadhi.
”Lulëzim! Sa më shumë i shmangesh sqarimit për lidhjen tende me shpifesirën e Dick Marty dhe rrekesh të fshihesh pas pllakëe së gramafonit të prishur, aq më shumë pohon se je kujdestari i dosjes së Shtëpisë së Verdhë dhe përkthyesi i maskuar i shqiptarëve tê marrë në pyetje! Fakti që nuk ke gjunj të përballesh as me pyetjen, pse e votoi PD-LSI raportin e Dick Marty kur ne e votuam kundër(?), tregon se ti as ke qenë, as je, as bëhesh dot lideri i opozitës, po mbetesh kukulla e Saliut, Ilirit dhe Monikës!’’, shkruan Rama në rrjetin social, Twitter.
Fakti që nuk ke gjunj të përballesh as me pyetjen, pse e votoi PD-LSI raportin e Dick Marty kur ne e votuam kundër(?), tregon se ti as ke qenë, as je, as bëhesh dot lideri i opozitës, po mbetesh kukulla e Saliut, Ilirit dhe Monikës!
— Edi Rama (@ediramaal) November 8, 2020
“Shtëpia e Verdhë” është banesë në një fshat afër Burrelit, ku pretendohet se janë kryer transplante organesh organe të robërve serbë, për qëllime tregtie pas luftës në Kosovë.
