22 korrik 2004
Gjatë një miqësoreje midis Romës dhe Stok Sitit, një mbrojtës trupmadh dhe i pakoordinuar nga Irlanda e Veriut, Geri Tagart bën një ndërhyrje absurde ndaj Damiano Tomasit dhe i dëmton gjurin.
Diagnoza e dëmtimit duket si një buletin lufte: deformime komplekse të të gjitha strukturave kapsulo-ligamentoze të gjurit të djathtë, këputje e meniskëve të brendshëm dhe të jashtëm, këputje e kryqëzimit të përparmë dhe të pasmë, këputje e kolateralit medial, këputje e ligamenteve të kofshës së djathtë.
Në një moment kaq tragjik, Damiano Tomasi dëshmon edhe një herë se është një lojtar “ndryshe”.
Ai është një person me parime shumë të larta morale dhe ideja për të fituar shumë para pa bërë asgjë nuk e bën atë të jetë në paqe me veten. I kërkon Romës një gjë:
“Më jepni pagën minimale të kërkon ligji, 1500 euro, derisa të kthehem të luaj”.
Rehabilitimi do të zgjasë 15 muaj, por kthimi në fushë do të jetë i paharrueshëm: më 27 nëntor 2005, në ndeshjen Roma-Fiorentina, Tomasi kthehet në fushë dhe gjithashtu shënon gol.
Shpërblimi i duhur për një lojtar të shkëlqyeshëm dhe një njeri të mrekullueshëm.
Një djalosh që nuk ishte kurrë banal, ai që në 2001-shin bleu një kodër të tërë në Valpolicella, me një vilë, një kishë të shekullit të 15-të, plus 100 hektarë pyje dhe 12 vreshta (me vlerë 3 miliardë) dhe ia dha të gjitha një komuniteti lokal.
Ai që mblodhi gjobat e paguara nga shokët e ekipit për të ndërtuar fusha futbolli në Kosovë.
Një nga ata njerëz gjithnjë e më të rrallë në botën e futbollit. /Tirana Today
