“Udhëtim Romë-Firence me autobus. Ekipi i veshur me uniformë: me xhaketë dhe kravatë. Gazza është ulur në vendet e fundit, ngrihet, kalon para të gjithëve dhe shkon të ulet pranë Zoff-it, i cili po dremit me krahët e mbledhura. Buzëqesh si një klloun, dhe ne shpejt e kuptojmë se ka një nga të tijat në mendje. Tuneli i parë, tuneli i dytë dhe më pas një tunel tejet i errët dhe i gjatë. Pas pak alim nga tuneli dhe …. Gazza gjendet ende ulur pranë Zoff-it, por plotësisht i zhveshur. Ishte zhveshur në tunel. Zoff-i, i palëvizur, me krahët mbledhur, kthen kokën, thotë butësisht: “Gaaazza, çfarë dreqin po bën?”. Dhe kthehhet të dremisë “
(P. Casiraghi)
“Një djalë i vogël, i ndrojtur, kërkon autografin e Pol Gaskonjit. Poli merr topin dhe vë autografin, pastaj bën sikur ia kthen topin fëmijës dhe papritur bum, e godet në liqenin përballë. Tifozi i vogël? Në lot, sigurisht “
(D. Fuser)
“Gjëja më e bukur ishte dita e parë së bashku. Në stërvitje unë ndërroj rrobat, vesh kompletin tim të Rangers-it. Shkoj të marr këpucët e mia dhe ndjej një erë të çuditshme. Ok, mirë, bëj dush, kthehem, thahem dhe vishem. Shikoj nga afër çorapet e mia dhe në fund vërej se ai kishte dalë jashtë … brenda çorapës time! Po po, e kishte bërë brenda çorapeve të mia! Ky është Gaskonji. Pse e bëri? Se ishte i çmendur dhe vdiste për gallata.
“Me Rangers kishim një kod të paracaktuar veshjeje. Në një dyqan Poli më bleu katër apo pesë palë rroba. Ishte klubi që i tha ta bënte. Më pas paratë do të mbaheshin nga paga ime. Më vonë e pyeta ekipin se kur mund ta shlyeja atë borxh. Përgjigja e tyre ishte: “E ka larë Gaskonji””.
(R. Gattuso)
“Në vitin 1992, në prag të ndeshjes së kualifikueses së botërorit midis Norvegjisë dhe Anglisë, një gazetar naiv e pyeti Pol Gaskonjin nëse donte t’i jepte ndonjë mesazh popullit norvegjez nga ekrani.
Dhe Gazza përshëndeti qetësisht “”Po! Fuck off Norvegji!”
