Nostalgji futbolli/ Pierluigi Collina kujton finalen dhe episodi i veçantë

“Ishin dy minutat e fundit, pashë lojtarët e Bajernit në stol duke u përgatitur për të festuar titullin, tifozët ishin të gëzuar sepse e dinin se ishin një hap larg fitimit të Ligës së Kampionëve.

Papritmas, Mançesteri shënoi dy gola në dy minuta dhe përmbysi rezultatin.
Kurrë nuk do ta harroj ulërimën e tifozëve anglezë, ndërsa në tribunat e Bajernit ishte një heshtje vdekjeprurëse.

Lojtarët e United po festonin golin e tyre të dytë kur pashë një lojtar të Bajernit që ra plotësisht i pashpresë në tokë me një shprehje të zhgënjimit të madh.
Unë iu afrova dhe nuk më erdhi asgjë për t’i thënë përveç:
‘Çohu dhe lufto, ke akoma njëzet sekonda’.
Në atë moment, unë pashë fytyrën e vërtetë të futbollit, të lumturisë dhe hipnotizimit të një stadiumi, njerëz që festonin çmendurisht dhe njerëz të dëshpëruar “.

Pierluigi Collina.