Problemet mes deputetit Tom Doshi dhe shtetit Amerikan kanë qenë gjithmonë të tensionuara. Departamenti i Shtetit e ka shpallur non-grata deputetin Tom Doshi dhe familjen e tij.
https://tiranatoday.com/tom-doshit-dhe-familjes-se-tij-ndalohet-hyrja-ne-shba/
Ky vendim vjen si pasojë e ligjeve amerikane, kur Sekretari i Shtetit, ka informacione të besueshme se një zyrtar i huaj është përfshirë në raste madhore korrupsioni, ose shkelje të të drejtave të njeriut, atij dhe familjes së tij të ngushtë i ndalohet hyrja në Amerikë.
Megjithatë, kjo nuk është hera e parë që shteti amerikan merr masa ndaj figurës së Tom Doshit. Kujtojmë që largimi i Doshit nga Grupi Parlamentar i Partisë Socialiste, 3 vjet më parë u përshëndet menjëherë nga Ambasada Amerikanë në Tiranë.
https://tiranatoday.com/tom-doshi-del-kunder-shba-ve-po-te-duan-te-ma-vertetojne-korrupsionin/
Po ashtu ky ishte precedenti me të cilën autoritetet amerikane i kërkuan shtetit shqiptarë dekriminalizimin e politikës.
Po çfarë shkruhej në raportin që Wikileaks publikoi shumë kohë më parë për kriminalizimin e politikës? Wikileaks publikoi një korrespodencë të ish-ambasadorit amerikan në Tiranë John Ëithers me Departamentin Amerikan të Shtetit.
Në këtë dokument të 13 gushtit 2009, klasifikuar nga Wikileaks si shumë i rëndësishëm, Withers shkruante se “Shkelësit e ligjit u kthyen në bërësit e tij’’. Withers, sipas Wikileaks-it përmend si të lidhur me krimin Tom Doshin. Shkelësit e Ligjit u kthyen në bërësit e tij.
Çfarë thoshte Wikileaks për Tom Doshin
– Tom Doshi: Një deputet i PS nga Shkodra, Doshi, u veçua në Raportin e të Drejtave të Njeriut për sulm fizik ndaj një gazetari në Hotel Sheraton, ishte një figurë e rëndësishme në financimin e përpjekjeve të PS-së në zgjedhje. Ai njihet si deputeti më i pasur, me një pasuri të deklaruar prej më shumë se 15 milionë dollarë dhe është e gjithashtu i dyshuar për trafik narkotikësh.
