Deputeti demokrat, Flamur Noka, i është përgjigjur kreut të Grupit Parlamentar të PS, Taulant Balla, i cili deklaroi një ditë më parë se në kohën kur Basha ishte Ministër i Brendshëm në 2010, në Shkodër kishte patur 16 vrasje.
Noka, përmes një postimi në ‘Facebook’ thotë se për këto vrasje, Partia Demokratike çoi 15 autorë para drejtësisë. Duke bërë këtë krahasim, ai shkruan se këtu qëndron ndryshimi mes qeverisë së PD dhe asaj të PS.
Noka deklaron se me Partinë Demokratike në qeveri, kriminelët arrestoheshin dhe çoheshin para drejtësisë, e ndërsa me Partinë Socialiste në qeveri, Rama i ka dhënë pushtet krimit.
