Mediat gjermane kanë zbuluar identitetin e shqiptarit, i cili u gjet i masakruar nga goditje thike dhe arme në një pyll në Gjermani. Sipas Bild, i riu shqiptar ishte Ismail P., 27 vjeç i cili merrej me boks jo profesionist.
Prokurori i çështjes deklaroi se Ismaili, ka ndërruar jetë si pasojë e plagëve të shumta me mjete prerëse. Personi i fundit që mendohet ta ketë parë atë, është një taksist, i cili tha se ditën e mërkurë e kishte sjellë deri afër zonës ku është gjendur trupi i pajetë i tij.
Sipas taksistit,27-vjeçari cili njihej ndryshe me nofkën “Mbreti”, i kishte thënë taksistit ta priste pasi do të rikthehej prapë, por nuk u kthye kurrë. Trupi i viktimës u gjet ditën e djeshme në një pyll, i mbuluar me gjethe dhe i hedhur në një kanal të ujërave të zeza.
