Rasti i lirimit të Mark Frrokut, mori vëmendje të gjerë në shtypin vendas po edhe në atë belg. Ai u la i lirë nga ana e drejtësisë shqiptare edhe pse ishte i dënuar me 10 vite burg nga autoritetet belge, pasi dyshohej se ishte i përfshirë në një vrasje. Ai në vendin tonë shleu dënimin, në bazë të akuzave të ngritura nga ana e drejtësisë shqiptare. Por, duke hequr një paralelizëm, a mund të themi se edhe Safet Rustemi, i cili është i dënuar me 22-vite burg në Belgjikë, mund ta ndjekë i njëjti fat?
Safet Rustemi (Bajri), 34-vjeç, i cili ishte listën e personave më të kërkuar në Belgjikë, më në fund është vënë në pranga aga autoritetet shqiptare. Ai është arrestuar në Tiranë të shtunën që lamë pas, në kuadër të goditjes së grupit të “Barajve”, një operacion i shtrirë të tre shtete: Shqipëri, Holandë dhe Belgjikë.
Pas arrestimi të tij, ka reaguar edhe Ministri i Drejtësisë belge Koen Geens (CD & V), i cili është i bindur se “gangsteri”, do ta vuajë dënimin e lëshuar nga ana e autoriteteve belge në Shqipëri, por shtypi në Bruksel është shumë skeptik, duke pasur para sysh rastin e Mark Frrokut.
Ndaj Rusemit, drejtësia belge e ka lëshuar dënimin me 22 vjet burg. Ai u dënua tri herë pasi u përpoq të sundojë me dhunë në botën e prostitucionit në Bruksel. Megjithatë, në qershor të vitit 2017, ai u dëbua nga Belgjika nga Departamenti i Emigracionit. Që atëherë ai ndodhej në arrati.
Por tani ai është arrestuar në Tiranë në kuadër të operacionit “Oaz”, ku u godit klani Bajri, një ndër më të rrezikshmit e botës së krimit në Shqipëri. Anëtarët e këtij grupi akuzohen për trafik ndërkombëtare droge, zhvatje, dy vrasje, përpjekje të ndryshme për vrasje dhe krime të tjera të dhunshme. Dy anëtarë të bandës u arrestuan në Roterdam. Ndërsa koka e grupit dhe një anëtar tjetër janë ende në arrati. Safet Rustemi nuk u fsheh në atdheun e tij. Ai tashmë do të dënohet nga autoritetet shqiptare, dhe nuk dihet nëse do të dënohet për vitet e dhëna nga Belgjika. Por ministri i drejtësisë Koen Geens, ende beson fort se shqiptari do ta vuajë dënimin në vendin e tij.
Ekstradimi i tij në Belgjikë është i pamundur. Të dy vendet nuk kanë nënshkruar një marrëveshje për dërgimin e shtetasve nga Shqipëria në Belgjikë,ndërsa ekstradimet nga Belgjika për në Shqipëri janë të mundura. Shqipëria nuk ekstradon asnjë shtetas. Por Shqipëria dhe Belgjika kanë nënshkruar një marrëveshjen për të ekzekutuarit dhe dënimet e lëshuara nga njëra-tjetra. Shqipëria mund të lërë në burg atë në bazë të ligjit shqiptar, por sipas medias belge ai mund të fitojë lirinë njësoj sikundër u veprua në rastin e Mark Frokut.
“Dënimet nuk konvertohen automatikisht. Për shembull, në vitin 1999, politikani shqiptar Mark Frroku u dënua me dhjetë vjet burg në Belgjikë për përfshirje në një vrasje. Frroku u arrestua në Shqipëri, ku në saj të një gjykimi të bërë atje u la i lirë”, shkruan media belge.
Në Prill të viti 2018, Gjykata e Fierit i fali kohën e mbetur të dënimit prej 1 viti e 5 ditësh, duke urdhëruar lirimin e menjëhershëm të Frrokut. Ai u dënua në prill të vitit 2017 kaluar nga gjykata e shkallës së parë e Tiranës me 7 vjet e 6 muaj burgim për akuzat e fshehjes së pasurisë dhe ndërtim të paligjshëm.
Ndërsa në janar të këtij viti gjykata e Apelit po në Tirane ia reduktoi dënimin ne 6 vjet burg për të njëjtat akuza. Ndërsa gjykata e Fierit së fundmi ka vendosur lirimin para kohe të Frrokut. Përveç akuzave për të cilat u shpall fajtor, Frroku u dyshua edhe për vrasjen e shtetasit shqiptar Aleksander Kurit në vitin 1999 në Belgjikë, por këto dyshime nuk u provuan./TIRANA TODAY/
