Japonia ka vendosur të heqë gjendjen e jashtëzakonshme të vendit për shkak të situatës së krijuar nga koronavirusi.
Gjatë një deklarate për mediat, kryeministri Shinzo Abe tha se do të hiqen kufizimet edhe në rajonet ku vendimi ishte ende në fuqi.
“Ne kemi pasur kushte shumë të rrepta për të hequr gjendjen e jashtëzakonshme dhe kemi gjykuar se i kemi përmbushur ato”, tha Abe në një fjalim televiziv.
Sipas tij, Japonia ka arritur ta kontrollojë përhapjen e COVID-19, që nga vendosja e gjendjes së jashtëzakonshme më 7 prill.
Vendi ka nisur me lehtësimin e kufizimeve që nga mesi i muajit, por në disa zona si Tokio ato ishin ende në fuqi.
Japonia ka regjistruar më shumë se 16 mijë raste me koronavirus, si dhe ka shënuar 820 viktima. Vetëm 2,317 raste janë ende aktive në këtë vend.
