Mesfushori Toni Domgjoni pritet të jetë shqiptari i radhës që do të zbarkojë në Serinë A italiane.
Sipas mediave italiane, Udineze është vënë në gjurmët e lojtarit kosovar, i cili deri tani ka luajtur për kombëtaret e moshave të Zvicrës.
22-vjeçari prej 3 vitesh është pjesë e ekipit të parë të Zyrih, ku me paraqitjet e shkëlqyera deri tani ka tërhequr vëmendjen e klubeve të njohura.
Thuhet se drejtuesit e Udinezes kanë nisur bisedimet me ata të Zyrihut, për arritjen e një marrëveshje për transferimin e mesfushorit në Itali, të cilit i përfundon kontrata në fund të këtij sezoni.
