Tensionet ndërmjet Iranit dhe SHBA-së u kanë dhënë hov grupeve ekstremiste rreth e qark globit. Mësohet se ditën e dielë është sulmuar një bazë ushtarake amerikane në Kenia. Nga sulmi ekstremist janë vrarë tre ushtarë amerikanë si dhe janë shkatërruar disa avionë dhe automjete ushtarake. Sulmin e mori përsipër nga grup Al-Shabaab.
Sipas mediave ndërkombëtare, ky është sulmi i parë i këtij grupimi ekstremist kundër forcave amerikane. Ky grupim ekstremist deri më sot ka vepruar vetëm në shtetin fqinj Somali. Nga përleshjet e armatosura mbetën të vdekur dhe edhe pesë militant, bëri të ditur zëdhënësi i ushtrisë nigeriane, Paul Njugana.
Në një deklaratë nëpër rrjetet sociale ky grupim pretendon se ka vrarë 17 ushtarë amerikanë, nëntë ushtarë kenianë dhe se ka shkatërruar shtatë aeroplanë gjatë sulmit të së dielës.
Sipas të dhënave të Pentagonit, në këtë bazë ndodhen rreth 100 pjesëtarë të forcave amerikane.
Jo më larg se 10 ditë, grupi Al Shabaab realizoi një sulm të përgjakshëm në kryeqyetitn e Somalisë, Mogadishu, ku u vranë 79 persona.
