“Gulf News”
Kur 756 deputetë të rinj të Parlamentit Europian, të mblidhen në Strasburg në fillim të muajit korrik, ata do të ulen në një sallë më të ndarë se kurrë më parë. Gjatë ditëve të fundit, secili nga 28 vendet anëtare të Bashkimit Evropian ka votuar për të zgjedhur deputetët e tyre përkatës – përfaqësues të cilët do të përcaktojnë formën e projektit të madh politik, ekonomik dhe social të kontinentit.
Është e qartë se në thuajse çdo komb, diskursi politik, është i ndarë si kurrë më parë – kombet janë të ndarë mbi atë se çfarë duhet të jetë projekti evropian, mbi rolin që duhet të ketë lëvizja e lirë e njerëzve, dhe nëse ka ardhur vërtetë koha për t’i dhënë fund vetë BE-së.
Projekti pan-evropian
Ndërsa numërimi i votave, i dha sërish shumicën forcave të moderuara, është e qartë se partitë e ndryshme në të djathtën e spektrit politik europian, kanë regjistruar përfitime të konsiderueshme, duke sjellë një zë kontestues të fortë në dhomën parlamentare në Strasburg. E tillë është natyra e demokracisë. Ajo lejon të dëgjohen zëra të ndryshëm, dhe fakti që 400 milionë ose më shumë votues në gjithë BE-në, kanë qenë të lirë të zgjedhin ata që ofrojnë pikëpamje të kundërta mbi të ardhmen, flet mirë për vetë natyrën e projektit pan-evropian.
Javën e ardhshme, një muaj para se të mblidhet parlamenti i ri i ndarë, kombet e Evropës Perëndimore, së bashku me Shtetet e Bashkuara dhe luftëtarë të tjerë dhe aleatë të Luftës së Dytë Botërore, do të mblidhen në Normandi për të përkujtuar 75 vjetorin e zbarkimit të D-Day në vitin1944.
Ai pushtim, shënoi fillimin e fundit për Gjermaninë naziste dhe aleatët e saj të Boshtit – regjimet fashiste që lejuan lulëzimin e urrejtjes, dhe shtypjen e të drejtave më themelore të njeriut. Sakrifica e miliona njerëzve, që e kundërshtuan një urrejtje të tillë, duhet të mos harrohet.
Po kështu, edhe fitorja e atyre që besuan tek liria, barazia, liria për të qenë të ndryshëm, për të besuar tek idealet dhe besimet e tjera, dhe liria për të folur pa frikën e vrasjes apo burgimit.
Vlerat themelore të Bashkimit Evropian
Këto janë vlera, që janë thelbësore për vetë thelbin e BE-së. Gjatë javëve të fundit të fushatës, këto janë vlera që u lanë në hije nga ata që ngrenë zëri nën kupë të qiellit, nxisin urrejtjen populiste, dhe që e shohin Europën nëpërmjet lenteve miopike. Kjo është realisht një ditë e trishtuar – por edhe një nënprodukt i diskutimit të hapur politik dhe të fjalës së lirë.
Kur të takohen eurodeputetët, ata duhet të reflektojnë mbi atë që e bëri të mundur BE si një projekt. Udhëheqësit e Evropës së pas Luftës së Dytë Botërore, i patën parë dy herë brenda dy dekadave baballarët dhe vëllezërit e tyre, të vishnin uniforma dhe të mbanin armë në duar, për të vrarë dhe shkatërruar. Asokohe pati një përbetim, se kjo nuk do të ndodhte më. Dhe kjo një është trashëgimi, që duhet respektuar nga të gjithë deputetët e rinj./ Tirana Today
