Ka kaluar një muaj pas shpërthimit katastrofik në Beirut, që i mori jetën 190 personave dhe plagosi mijëra të tjerë. Së fundmi ushtria libaneze, ka zbuluar një tjetër depo me mbi 4 ton nitrat amoniumi, pa kushtet e duhura të sigurisë në portin e Beirutit. Kjo lëndë u hoq me shpejtësi nga forcat ushtarake. Ushtria deklaroi se ekspertët e thirrur për një inspektim, gjetën lëndën e rrezikshme në katër kontenierë.
Ende nuk ka detaje mbi origjinën e kimikatit, por ky zbulim është bërë rreth një muaj pasi 3 mijë ton nitrat amoniumi shkaktuan një katastrofë në kryeqytetin e Libanit.
